गजल (डोट्याली भाषा)

छुटी आज मेरी इसी जर्मथात ।

उसै ठौरले जो दियो नाम जात ।

उनै गाउँ गर्खा सखा सम्झनाकी,

म लेखौ भणन्ज्या लुलीझान्छ हात ।

आखाँ आँसु झड्डा हिया धड्किनो छ,

कठै दैव तैले गरी क्या कि घात ।

भया ह्यून जाडी मुढा खोज्ज झान्थ्या,

सुणन्थ्या अगेठा बसी आइ्न बात ।

खुद्यौडा बसी जो गुड्यागाज खान्थ्या ,

इसै आस झान्थी पुषै ठण्ण रात ।

उठी रात्तनी घाम ताप्दा कि डाङा,

गया याद औन्छी गरि गोठ पात ।

पडी रात खारो फुसर्पट्ट धौलो,

बटा गाड भीणा हुन्या खात खात ।

केशव मडै (किर्सन)

सुर्नया -५ बैतडी

हाल : युएई
(नेपाली साहित्य विधामा निरन्तर कलम चलाउदै आएका केशब मडैले प्रस्तुत गजल “भुजङ्गप्रयात छन्द” मा लेख्नुभएको छ। – लेखापढी डटकम)

Post Views: 319