प्रतिनिधिसभा बैठक सुरु: एमाले संसद् अवरोधबाट पछि हट्यो
काठमाडौं, जेठ ३ गते। प्रतिनिधि सभाको बैठक सुरु भएको छ। नयाँ बानेश्वरस्थित सङ्घीय संसद् भवनमा बैठक सुरु भएको हो।
नेकपा एमालेले झन्डै ९ महिना देखि जारी राखेको संसद् अवरोध अन्त्य गरेको छ ।
एमाले उपमहासचिव तथा सांसद प्रदीपकुमार ज्ञवालीले त्यसको जानकारी संसदमा गराएका हुन् ।
बजेट अधिवेशन सुरु भएको दिनबाट एमालेले अवरोध अन्त्य गरेको हो । एमालेले भदौ २३ देखि संसदमा विरोध जारी राखेको थियो ।
एमालेले माधवकुमार नेपालसहितका नेतालाई सांसदबाट हटाउन सिफारिस गरेको थियो । उपमहासचिव ज्ञवालीले एमालेले आफ्ना असन्तुष्टिहरू फरक शैलीमा प्रस्तुत गर्ने पनि जानकारी दिएका छन् ।
उनले आफ्नो दललाई विभाजन गरेर जानेहरुलाई जनताले सउचित ढंगले फैसला गर्ने बताएका थिए । उनले आजैदेखि संसदको अवरोध हटाएको र विरोधलाई प्रस्तुत गर्ने निर्णय गरेको बताएका थिए ।
पार्टी विभाजनका लागि भएका क्रियाकलापलाई फरक तरिकाले विरोध गरिरहने बताएका थिए ।