जेठ १ देखि विद्यालयमा शनिवार र आइतवार बिदा, शुक्रवार पूरै दिन पढाइ हुने


लेखक : लेखापढी      २८ बैशाख २०७९, बुधबार १५:३९ मा प्रकाशित     
जेठ १ देखि विद्यालयमा शनिवार र आइतवार बिदा, शुक्रवार पूरै दिन पढाइ हुने

काठमाडौं। जेठ १ गतेदेखि विद्यालयहरूमा पनि हप्ताको दुई दिन नै बिदा हुने भएको छ । शिक्षा विज्ञान तथा प्रविधि मन्त्रालयको आज (बुधवार) बसेको बैठकले मन्त्रिपरिषद्को निर्णयअनुसार विद्यालय पनि हप्तामा दुई दिन बिदा दिने निर्णय गरेको मन्त्रालयका प्रवक्ता दीपक शर्माले जानकारी दिए । 

हप्तामा दुई दिन शनिवार र आइतवार बिदा दिए पनि विद्यालय खुल्ने र बन्द हुने समय भने यसअघि जस्तै बिहान १० बजेदेखि बेलुकी ४ बजेसम्म कायम गर्ने निर्णय भएको छ । यसअघि शुक्रवार आधा दिन मात्र पढाइ हुने गरेकोमा अब शुक्रवार पूरै दिन पढाइ हुनेछ । 

यस्तै विद्यालयमा हिउँदे, वर्षे, स्थानीय लगायतका बिदा कटाएर वर्षमा बढीमा ३० दिन मात्रै बिदा दिन पाइने भएको पनि प्रवक्ता शर्माले जानकारी दिए ।