पछिल्लो एक सातादेखि नेपालमा कोरोना संक्रमणबाट मृत्यु हुनेको संख्या शून्य

---

काठमाडौं। पछिल्लो एक सातादेखि नेपालमा कोरोना संक्रमणबाट मृत्यु हुनेको संख्या शून्य रहेको छ । स्वास्थ्य तथा जनसंख्या मन्त्रालयको विवरणअनुसार पछिल्लो एक सातादेखि कोरोना संक्रमणबाट कसैको पनि मृत्यु भएको छैन ।

पछिल्लो समय गत फागुन २७ गते एक जना संक्रमितको मृत्यु भएको र त्यसयता संक्रमणबाट मृत्यु नभएको मन्त्रालयको विवरणमा उल्लेख गरिएको छ । हाल देशभर कोरोनाका सक्रिय संक्रमित पनि ३ हजार ९ सय ९६ जना रहेका छन् । पछिल्लो २४ घन्टामा ५१ जना संक्रमित भेटिएका छन् ।

५ हजार ९ सय १४ जनामा गरिएको परीक्षणमा ५१ जना संक्रमित भेटिएका हुन् भने ३ सय ९२ जना संक्रमणमुक्त भएका छन् । हाल नेपालमा कोरोना संक्रमणमुक्त हुने दर ९८ प्रतिशत रहेको छ भने देशभर २७ जना संक्रमित आइसियू र ६ जना संक्रमित भेन्टिलेटरमा उपचाररत छन् ।