त्रिभुवन विश्वविद्यालयका परीक्षा स्थगित नहुने


लेखक : लेखापढी      २ माघ २०७८, आईतवार १४:३२ मा प्रकाशित     
त्रिभुवन विश्वविद्यालयका परीक्षा स्थगित नहुने

काठमाडौं । त्रिभुवन विश्वविद्यालय(त्रिवि)ले लिने गरेका परीक्षा निर्वाध सञ्चालन हुने भएको छ । कोरोना भाइरस संक्रमणको तेस्रो लहरको जोखिम बढेसँगै सरकारले विद्यालय बन्द गरिसकेको छ । सिनेमा हल, जिमखाना, पार्टी, भोज, जमघट हुने सबै क्षेत्रमा स्वास्थ्य सुरक्षाको मापदण्डमा कडाइ गरेको छ । 
 
त्रिविमा हाल जाडो बिदाले विश्वविद्यालय बन्द भए पनि परीक्षा भने चलिरहेकै छ । तर, कोभिडको नयाँ भेरियन्ट ओमिक्रनको संक्रमित बढ्दै गएपछि त्रिविले सञ्चालन गर्ने परीक्षा के होला भन्ने विद्यार्थी र अभिभावकमा चासो छ।

विश्वविद्यालयका परीक्षा नियन्त्रक पुष्पराज जोशीले सरकारले रोक्न निर्देशन नदिएसम्म परीक्षा सञ्चालन हुने जानकरी दिए । उनी भन्छन्, “तीनवटा सेन्टर चाहिएको ठाउँमा छवटा सेन्टरमा विद्यार्थी राखेका छौँ । स्वास्थ्य सुरक्षालाई ध्यान दिएका छौँ । अन्तिम अवस्थामा सरकारले रोक नभनेसम्म रोक्दैनौँ ।” 
-१२खरिबाट 

भर्खरै