शाहिद अफ्रिदीले काठमाडौँ किङ्स-११ बाट ईपीएल खेल्ने


लेखक : लेखापढी      ११ श्रावण २०७८, सोमबार १५:१४ मा प्रकाशित     
शाहिद अफ्रिदीले काठमाडौँ किङ्स-११ बाट ईपीएल खेल्ने

काठमाडौं । पाकिस्तानका पूर्व कप्तान अफ्रिदिले काठमाडौं किङ्स-११ बाट चौँथो संस्करणको ईपीएल खेल्ने भएका हुन् । शाहिद अफ्रिदीले चौंथो संस्करणको एभरेस्ट प्रिमियर लिग (ईपीएल) टी-ट्वान्टी क्रिकेट प्रतियोगिता खेल्ने भएका छन् । 

काठमाडौं किङ्स-११ ले सोमबार राजधानीमा एक कार्यक्रमको आयोजना गर्दै अफ्रिदीले टोलीबाट ईपीएल खेल्ने जानकारी गराएको छ।

काठमाडौंले अन्तर्रष्ट्रिय खेलाडीको रूपमा अफ्रिदीलाई अनुबन्ध गरेको हो ।

चौंथो संस्करणको ईपीएल क्रिकेट असोज ९ गतेदेखि असोज २३ गतेसम्म टियु क्रिकेट मैदानमा हुनेछ।

४४ वर्षीय अलराउण्डर अफ्रिदीले पाकिस्तानका लागि सन् १९९६ देखि २०१८ सम्म खेलेका थिए ।

उनले पाकिस्तानका लागि २७ टेष्टमा १७ सय १६ रन र ४८ विकेट हात पारेका थिए ।

अफ्रिदीले ३ सय ९८ एक दिवसीयमा ८ हजार ६४ रन बनाउँदा ३ सय ९५ विकेट र टी-ट्वान्टीमा ९९ खेल खेल्दै १४ सय १६ रन र ९८ विकेट लिएका थिए । 

100% LikesVS
0% Dislikes
Spread Your Love !!!