शुक्रवारे कार्यक्रम
धेरै कुरा हुन्छ
नछुटाई भाग लिए
ज्ञानगुन मिल्छ ।
कविता र गीत भन्ने
चित्र पनि कोर्ने
कहिले छ नाँच्ने गाउने
हुन्छ हाँडी फोर्ने ।
भाग लिनु पर्छ नानी
कोपिला छौ फुल्छौ
प्रतिभाले भविष्यमा
विश्वभरि डुल्छौ ।
आत्म विश्वास बढ्छ
नानी पहिचान मिल्छ
शुक्रवारे कार्यक्रमले
पुरस्कार दिन्छ ।
किताबको पाठजस्तो
ढोक्नु हुन्न नानी
सबैकुरा सिक्नलाई
सपार है बानी ।।
मेघनाथ ‘बन्धु’
जितपुर इलाम हाल धनगढी ।
