गजल: अङकुर चन्द
घर परिवार सबै जना, छाडी आएको छ,
आफ्नो पसिना बगाउन, खाडी आएको छ !
आफ्नो पसिना बगाउन, खाडी आएको छ !
आमा ! सुरक्षित रहनु, भनी म कसरी भनु,
यो मनको किनार सम्मै बाढी आएको छ !
अहिलेसम्म भोकै बस्दा, हेर्न कोही आएन,
मर्दा लास लैजानलाई हेर! गाडी आएको छ !
सिन्को भाँच्न नसक्ने अनि, ठूला कुरा गर्ने,
अचम्मै भो ! काम गर्न, गफाडी आएको छ !
च्यातिएको फरियामा भीख माग्दैछिन आमा,
प्रेमिकालाई दिनहुँ महँगो, साडी आएको छ !
https://lekhapadhi.com/2021/06/19/micro-story-by-ankur-2/