मुख्यमन्त्री पोखरेलले शपथ ग्रहण लगत्तै गरे दुई लोकप्रिय काम गर्ने निर्णय


लेखक : लेखापढी      ३० जेष्ठ २०७८, आईतवार ०३:३८ मा प्रकाशित     
मुख्यमन्त्री पोखरेलले शपथ ग्रहण लगत्तै गरे दुई लोकप्रिय काम गर्ने निर्णय

पोखरा । गण्डकी प्रदेशका मुख्यमन्त्री कृष्णचन्द्र नेपाली पोखरेलले पदभार ग्रहण गरेलगत्तै दुईवटा निर्णयहरु गरेका छन् । प्रदेश प्रमुख सीताकुमारी पौडेलले शनिबार बेलुका उनलाई शपथ गराएकी हुन् ।

शनिबार बेलुका उनले मनसुन सुरु भएसँगै विपदबाट हुन सक्ने जनधनको क्षति कम गर्न प्रतिकार्य योजना तयार गर्ने निर्णय गरेका छन् । यस्तै, महिलाहरुको स्तन क्यान्सर, पाठेघरको मुखको क्यान्सर र पाठेघरको क्यान्सरको उपचार निःशुल्क गर्ने निर्णय गरेका हुन् ।

शनिबार प्रदेश प्रमुखबाट शपथ लिएसँगै उनले मन्त्रालय पुगेर पदभार ग्रहण गरेका थिए । पदभार ग्रहण गर्दै मुख्यमन्त्री पोखरेलले आफूलाई सहयोग गर्ने दल र प्रदेशसभा सदस्यहरुलाई धन्यवाद दिए ।

यस्तै, उनले प्रदेशको समग्र विकासमा आफ्नो ध्यानकेन्द्रित हुने पनि बताए । “प्रदेशको समग्र विकासका लागि अघि बढ्ने अठोट गरेका छौँ,” उनले भने । प्रदेशमा हरेक क्षेत्रको बिकासको लागी आफु केन्द्रित हुने बताएका छन् । 

100% LikesVS
0% Dislikes
Spread the love !
  •  
  •  
  •  
  •  
  •  
  •  
  •  
  •  
  •  
  •  
  •