राउटे बस्तीमा अन्य व्यक्ति जान रोक, सुरक्षाका लागि खटाइयो २२ प्रहरी


लेखक : लेखापढी      २५ जेष्ठ २०७८, मंगलवार ०४:२५ मा प्रकाशित     
राउटे बस्तीमा अन्य व्यक्ति जान रोक, सुरक्षाका लागि खटाइयो २२ प्रहरी

सुर्खेत – जिल्ला प्रशासन कार्यालय सुर्खेतले अन्य व्यक्तिलाई राउटे समुदायको बस्तीमा जान रोक लगाएको छ ।

राउटे युवतीमाथि यौन दुर्व्यवहार भएको भिडियो राउटे समुदायमा पुग्न नदिन बस्तीमा प्रवेशमा रोक लगाएको जिल्ला प्रहरी कार्यालय सुर्खेतका डीएसपी रामप्रसाद घर्तीले जानकारी दिए ।

राउटे युवतीमाथि भएको यौन दुर्व्यवहारको घटना अन्य समुदायका नागरिकले राउटे बस्तीसम्म पुर्‍याउन सक्ने सम्भावना बढेपछि बस्ती प्रवेशमा रोक लगाएको प्रहरीले जनाएको छ ।

डीएसपी घर्तीका अनुसार बस्तीमा कसैलाई आउजाउ गर्न नदिने उद्देश्यले २२ जना प्रहरी खटाइएको छ । फिरन्ते जीवन बिताउँदै आएका राउटे समुदाय हाल सुर्खेतको गुर्भाकोट नगरपालिका-११ आँपसोतीस्थित भेरी नदी किनारमा बस्दै आएका छन् ।

घटनाबारे जानकारी पाए पीडित युवतीलाई राउटे समुदायले नै अस्वीकार गर्ने र भित्रै कडा सजाय दिन सक्ने प्रहरीको भनाइ छ ।

100% LikesVS
0% Dislikes
Spread Your Love !!!