बुर्किना फासोमा बन्दूकधारी समूहको आक्रमणमा कम्तिमा १३२ को मृत्यु

---

अफ्रिकी राष्ट्र बुर्किना फासोको उत्तरी क्षेत्रको एक गाउँमा बन्दूकधारी समूहको आक्रमणका कम्तिमा १३२ जना सर्वसधारणको मृत्यु भएको छ । बुर्किना फासोको सरकारले शनिबार भएको घटना पछिल्ला वर्षहरुको सबैभन्दा हृदय विदारक रहेको जनाएको छ ।
बीबीसीका अनुसार सोल्हनस्थित घर र स्थानीय बजारमा आगजनि गरेर नष्ट पारिएको छ । घटनाको कुनै पनि समूहले जिम्मेवारी लिएको छैन् । संयुक्त राष्ट्र संघका प्रमुख एन्टोनियो गुटेरसले आक्रोश बनाएको प्रतिक्रिया दिनुभएको छ ।
बुर्किना फासोका राष्ट्रपति रोच कबोरेले तीन दिनको राष्ट्रिय शोकको घोषणा गर्नुभएको छ । दानवीय प्रबृत्तिका बिरुद्ध हामी सबै एक हुनुपर्ने बुर्किना फासोका राष्ट्रपति कबोरेले प्रतिक्रिया दिनुभएको छ ।
सोल्हनबाट करिब १५० किलोमिटर उत्तरस्थित टादर्यात गाउँमा शुक्रबार १४ जनाको हत्या गरिएको थियो । गत् महिना मात्रै पूर्बी बुर्किना फासोमा भएको एक आक्रमणमा कम्तिमा ३० जनाको मृत्यु भएको थियो ।
बुर्किना फासोमा पछिल्लो दिनहरुमा सुरक्षा संकट चुलिदो छ । बन्दूकधारी समूहले बन्धक बनाउने, अपहरण र हत्या गर्ने श्रृखंला चलेको छ । गाेरखापत्र