निषेधाज्ञा १० दिन थपिने, खाद्यान्न पसल बिहान ९ बजेसम्म खोल्नबारे आज निर्णय गरिने


लेखक : लेखापढी      १९ जेष्ठ २०७८, बुधबार ०३:५७ मा प्रकाशित     
निषेधाज्ञा १० दिन थपिने, खाद्यान्न पसल बिहान ९ बजेसम्म खोल्नबारे आज निर्णय गरिने

काठमाडौं उपत्यकामा जारी निषेधाज्ञा थप १० दिन लम्ब्याउने छलफल भएको छ । मंगलबार अपराह्न बसेको उपत्यकाका ३ जिल्लाका प्रमुख जिल्ला अधिकारीहरुका बैठकले जारी निषेधाज्ञाका कारण कोरोना संक्रमणदर कम हुँदै गएकोले थप १० दिन लम्ब्याउनेबारे छलफल भएको छ । साथै केही क्षेत्रहरुलाई सहज बनाउन आंशिक रुपमा खुला गर्ने तयारी थालिएको छ । 

खाद्यान्न, किराना पसल, खाद्यान्न मात्र बिक्री गर्ने डिपार्टमेन्ट स्टोर बिहान ९ बजेसम्म खोल्न दिनेबारे छलफल भएको भक्तपुरका प्रमुख जिल्ला अधिकारी प्रेमप्रसाद भट्टराईले जानकारी दिए ।  बैठकमा छलफल मात्रै भएको र बुधबार बिहान निर्णय गरिने उनले बताए । 

साथै निर्माण क्षेत्रमा काम रोकिएकोले निर्माण स्थलमै आवासीय रुपमा कामदार राखेर निर्माणका काम  गर्न दिनेबारे पनि छलफल भएको छ ।  कोरोना संक्रमणदर उच्च भएपछि गत बैशाख १६ देखि उपत्यका लगायत देशका विभिन्न जिल्लाहरुमा निषेधाज्ञा जारी गरिएको थियो ।

100% LikesVS
0% Dislikes
Spread Your Love !!!