जुत्तामा सुन लुकाएर दुबईबाट आए: आधा किलो सुन सहित २ जना पक्राउ


[ss_social_share]
लेखक : लेखापढी      २० चैत्र २०७७, शुक्रबार २३:०० मा प्रकाशित     
जुत्तामा सुन लुकाएर दुबईबाट आए: आधा किलो सुन सहित २ जना पक्राउ

काठमाडौं । जुत्तामा सुन लुकाएर दुवईबाट काठमाडौं आएका एक जनासहित दुई जनालाई प्रहरीले त्रिभुवन विमानस्थलबाट पक्राउ गरेको छ ।

पक्राउ पर्नेमा सिन्धुपाल्चोक घर भएका ३८ बर्षीय विष्णु भण्डारी र सुन रिसिभ गर्न गएका काभ्रेका कमल कृष्ण केसी छन् । फ्लाई दुबईबाट काठमाडौं आएका भण्डारीको साथबाट ५ सय १६ ग्राम सुन बरामद गरिएको त्रिभुवन विमानस्थल सुरक्षा कार्यालयका एसएसपी राजेशनाथ बास्तोलाले जानकारी दिएका छन् ।

सिन्धुपाल्चोकको थाङपालधाप–८ घर भएका भण्डारीबाट सुन रिसिभ गर्न गएका काभ्रे मण्डनदेउपुरका केसीलाई अपराध महाशाखा र विमानस्थल सुरक्षा कार्यालयको टोलीले पार्किङबाट पक्रेको हो ।

भन्सार जाँच गर्दा स्पोर्टस् जुत्तामा लुकाएर ल्याएको चारवटा बिस्कुट र एउटा बाला भेटिएको थियो । त्रिभुवन विमानस्थल भन्सार कार्यालयले उनीहरुमाथि अनुसन्धान गरिरहेको छ ।
-रातोपाटिबाट 

100% LikesVS
0% Dislikes
Spread the love !
  •  
  •  
  •  
  •  
  •  
  •  
  •  
  •  
  •  
  •  
  •