ग्लोबल आइएमई बैङ्कले ल्यायो ‘ग्लोबल ईकम डलर कार्ड’


लेखक : लेखापढी      १३ चैत्र २०७७, शुक्रबार ००:२९ मा प्रकाशित     
ग्लोबल आइएमई बैङ्कले ल्यायो ‘ग्लोबल ईकम डलर कार्ड’

काठमाडौँ । ग्लोबल आइएमई बैङ्कले ‘ग्लोबल ईकम डलर कार्ड’ सञ्चालनमा ल्याएको छ । अनलाइनमार्फत विदेशबाट वस्तु तथा सेवा खरिद बापतको भुक्तानी गर्ने प्रयोजनका लागि नेपाल राष्ट्र बैङ्कले ल्याएको परिपत्र अनुसार ग्लोबलले सो कार्ड सञ्चालनमा ल्याएको हो ।

राष्ट्र बैङ्कले ल्याएको विदेशी मुद्राको प्रिपेड कार्ड जारी गर्ने प्रावधान अनुरूप बैङ्कले डलर कार्ड जारी गरेको बैङ्कले जानकारी दिएको छ ।

बैङ्कले जारी गरेको डलर कार्डबाट भारत बाहेक अनलाइनमार्फत सामान खरिद तथा अनलाइनबाट प्रवाह हुने सेवाहरू नेटफ्लिक्स रिचार्ज, शैक्षिक शुल्क भुक्तानी ,युट्युब, फेसबुक, ट्वीटर, वाट्सअप लगायत सामाजिक सञ्जाल मार्फत आफ्नो व्यवसाय प्रवर्द्धन गर्न सकिने बैकले जनाएको छ ।

यो सुचारु गर्नका लागि बैङ्कका ग्राहकले नागरिकता र प्यान कार्ड पेस सहित ५०० रुपैयाँ सेवा शुल्क बुझाउनुपर्ने बैङ्कले जनाएको छ ।

यस कार्डमार्फत कुनै पनि बैङ्कमा नगई घर तथा कार्यालयबाटै आफैले सामानको भुक्तानी गर्न तथा अनलाइनमार्फत गरिने अन्य सेवा–सुविधाहरू लिन सकिनेछ ।

100% LikesVS
0% Dislikes
Spread the love !
  •  
  •  
  •  
  •  
  •  
  •  
  •  
  •  
  •  
  •  
  •