(१)
यस्तै सधैँ कहिलेसम्म पछारिन्छौं तिमी !
राजनीतिको फोहोरले बढारिन्छौं तिमी !
उठ ! आफ्नो चेतनाको प्रयोग गरी हिँड,
उसको इशारामा किन? मारिन्छौं तिमी !
(२)
कैलेसम्म तिम्राे राज चलिराख्छ यो माटोमा ।
आँशुभित्र मुटु राखि जलिराख्छ यो माटोमा ।
विश्वास देऊ ! परिश्रमी हातहरू उठाउँछौं,
नैतिकता सधैँ किन ढलिराख्छ यो माटोमा ।
(३)
जिन्दगीलाई पैसामा जोख्नु हुँदैन ।
व्यर्थै आँखाबाट आँशु पोख्नु हुँदैन ।
राम्राे सोची अघि बढाउ सधैँ पाइलाहरू
एउटा ठेस लाग्दा गति रोक्नु हुँदैन ।
Post Views: 168
नेपाली कला साहित्य क्षेत्रका दुई महत्वपूर्ण प्रतिभाको निधन
