धादिङमा महिलालाई जिउँदै पुरेर भागेका डोजर चालक पक्राउ


[ss_social_share]
लेखक : लेखापढी      ६ चैत्र २०७७, शुक्रबार १५:०५ मा प्रकाशित     
धादिङमा महिलालाई जिउँदै पुरेर भागेका डोजर चालक पक्राउ

धादिङकाे सल्यानटारमा डोजरकाे ठक्करबाट घाइते भएकी महिलालाई जिउँदै खाल्डोमा पुर्ने चालकलाई सिआइबीले पक्राउ गरेको छ।

कञ्चनपुर बोर्डरबाट सिआइबीले चालक भीमबहादुर बुढाथोकीलाई पक्राउ गरेको डिआइजी सहकुल थापाले बताए ।

जिल्लाको खोल्सी जिपजिपेमा १७ फागुनमा घाँस बोकेर घरतिर फर्किँदै गरेकी ४५ वर्षीया सरस्वती कुमाल खाल्डोमा खसेकी थिइन् । त्यसपछि बाटो खन्दै गरेका डोजर चालक भीमबहादुर बुढाथोकीले उद्दार गर्नु साटो वरिपरीको माटो ल्याएर उनलाई खाल्डोमा पुरिदिएका थिए ।

तर, स्थानीयले थाहा पाएलगत्तै दाङ घर भएका डोजर चालक भीमबहादुर बुढाथोकी फरार भएर भारत पुगेको पाइएको हो ।

सिआइबीले आज पत्रकार सम्मेलन आयोजना गर्दै उनलाई भाग्न लागेको अवस्थामा प्रहरीले पक्राउ गरेको डिआइजी थापाले जानकारी दिए ।

100% LikesVS
0% Dislikes
Spread the love !
  •  
  •  
  •  
  •  
  •  
  •  
  •  
  •  
  •  
  •  
  •