डिएगो जोटाको निर्णायक गोलमा लिभरपुलको जित


[ss_social_share]
लेखक : लेखापढी      ३ चैत्र २०७७, मंगलवार १६:२५ मा प्रकाशित     
डिएगो जोटाको निर्णायक गोलमा लिभरपुलको जित

 काठमाडौं । डिएगो जोटाले गरेको एक मात्र गोल मद्दतमा साविक विजेता लिभरपुलले प्रिमियर लिगमा वल्भसलाई पराजित गरेको छ ।

वल्भ्सको मैदानमा भएको खेलमा लिभरपुलले १-० को कठिन जित हात पारेको हो । वल्भ्सका पूर्वखेलाडी जोटाले पहिलो हाफको इन्जुरी टाइममा साडियो मानेको पासमा गोल गरेका थिए । त्यही गोल लिभरपुललाई ३ अंक दिलाउन पर्याप्त बनेको हो ।

जितपछि २९ खेलबाट ४६ अंक जोड्दै लिभरपुल छैटौं स्थानमा उक्लेको छ । एभरटन समान अंक भए पनि गोलअन्तरमा लिभरपुल अघि रहेको हो ।

यस सिजन खराब प्रदर्शन गरिरहेको लिभरपुल शीर्ष स्थानको म्यानचेस्टर सिटीभन्दा २५ अंकले पछि छ ।

वल्भ्स २९ खेलबाट ३५ अंकसहित १३औं स्थानमा छ।

100% LikesVS
0% Dislikes
Spread the love !
  •  
  •  
  •  
  •  
  •  
  •  
  •  
  •  
  •  
  •  
  •