ह्वाट्सएप् पुर्ण सुरक्षित रहेको दाबि


[ss_social_share]
लेखक : लेखापढी      २९ पुष २०७७, बुधबार १६:१३ मा प्रकाशित     
ह्वाट्सएप् पुर्ण सुरक्षित रहेको दाबि

ह्वाट्सएपले लागू गरेको नयाँ नियमअनुसार फेसबुकसँग डाटा शेयरको अनुमति दिने नयाँ अपडेटलाई स्वीकार नगरेमा अब ह्वाट्सएप चलाउन पाइने छैन । यद्यपि बेलायत तथा युरोपका अन्य मुलुकहरुका प्रयोगकर्तालाई चाहिँ यो नियम नलाग्ने बताइएको छ ।

आगामी फेब्रुअरी ८ सम्ममा प्रयोगकर्ताले ह्वाट्सएप अपडेट नगरेमा तत् पश्चात् ह्वाट्सएप प्रयोग गर्न पाइने छैन । नयाँ अपडेटसँगै ह्वाट्सएपमा शपिङ र भुक्तानीका फिचरहरु समेत थप गरिएको ह्वाट्सएपले जनाएको छ ।

म्यासेज र कलको विषयलाई लिएर ह्वाट्सएपले भनेको छ कि न त कम्पनीले तपाईंको म्यासेज पढ्न सक्छ न त तपाईंको कल सुन्न सक्छ । न त फेसबुकले नै यो काम गर्न सक्छ ।

कम्पनीले ह्वाट्सएप इन्ड टु इन्ड इन्क्रिप्सन रहेको र आगामी दिनमा समेत त्यसैअनुरुप सञ्चालन हुने बताएको छ । ‘हामी म्यासेज र कलिङको लग समेत राख्दैनौं,’ ह्वाट्सएपले भनेको छ ।

अर्थात प्रयोगकर्ताले जोसुकैलाई फोन वा म्यासेज गरे पनि ह्वाट्सएपसँग त्यसको कुनै डेटा हुँदैन । यसैप्रकारले लोकेसनको बारेमा समेत कम्पनीले आफूहरुले ‍थाहा पाउन नसक्ने बताएको छ ।

‘यदि तपाईं ह्वाट्सएपमा कसैसँग लोकेसन शेयर गरिरहनु भएको छ भने यो पनि इन्ड टु इन्ड इन्क्रिप्डेट हुन्छ,’ कम्पनीको ब्लगमा अगाडि भनिएको छ, ‘यस्तोमा केवल त्यस्तो व्यक्तिले मात्र देख्न सक्छ, जसलाई तपाईंले आफ्नो लोकेसन शेयर गर्नु भएको छ ।’

ह्वाट्सएपले प्रयोगकर्ताको सम्पर्क नम्बर समेत फेसबुकसँग शेयर नहुने बताएको छ । यस विषयमा खुलाउँदै कम्पनीले प्रयोगकर्ताको एड्रेस बुकबाट केवल फोन नम्बर मात्र एक्सेस हुने उल्लेख गरेको छ ।

ता कि म्यासेजिङ सेवा छिटो हुन सकोस् । ग्रुपहरुको विषयमा समेत ह्वाट्सएपले आफ्नो स्पष्टीकरण पेश गरेको छ । ग्रुप प्राइभेट रहने उल्लेख गर्दै कम्पनीले म्यासेज डेलिभर गर्न तथा आफ्नो सेवा स्न्याप गर्न तथा दुरुपयोग हुनबाट जोगाउनका लागि ग्रुप मेम्बरशिपको प्रयोग गरिने बताएको छ ।

‘फेसबुक विज्ञापनका लागि हामी यो डेटा शेयर गर्दैनौं,’ ह्वाट्सएपले भनेको छ । प्रयोगकर्ताले ह्वाट्सएपमा डिसअपियरिङ म्यासेज सेट गर्न सक्छन् ।

अर्थात यो फिचर प्रयोग गर्दा म्यासेज प्राप्त हुने वित्तिकै स्वतः डिलिट हुने गर्दछ । प्रयोगकर्ताले ह्वाट्सएपमा रहेको आफ्नो डेटा डाउनलोड गर्न सक्ने उल्लेख गर्दै त्यसबाट कम्पनीसँग कति डेटा हुन सक्छ भन्ने विषयमा समेत जानकारी राख्न सक्ने बताएको छ ।

Spread the love !
  •  
  •  
  •  
  •  
  •  
  •  
  •  
  •  
  •  
  •  
  •