राष्ट्रिय गौरवका आयोजना सम्पन्न गर्न छलफल


[ss_social_share]
लेखक : लेखापढी      १५ मंसिर २०७७, सोमबार ०४:०५ मा प्रकाशित     
राष्ट्रिय गौरवका आयोजना सम्पन्न गर्न छलफल

वागमती । वागमती प्रदेशका मुख्यमन्त्री डोरमणि पौडेल र राष्ट्रिय योजना आयोगका उपाध्यक्ष प्राडा पुष्पराज कँडेलबीच विकास निर्माणका विषयमा द्विपक्षीय छलफल भएको छ ।  प्रदेशभित्र भएका राष्ट्रिय गौरवका आयोजना लगायत विभिन्न विकासका पूर्वाधारका निर्धारित समयभित्र सम्पन्न कसरी गर्न उनीहरु बीचमा  छलफल भएको जनाइएको छ । 

मुख्यमन्त्री निवासमा आज सम्पन्न  छलफलमा वागमती प्रदेशका विकट क्षेत्रलाई सुगम बनाउन तथा सङ्घीय सरकार र प्रदेश सरकारबीच कसरी सहकार्य गर्न सकिन्छ भन्ने विषयमा पनि छलफल भएको बताइएको छ ।  सो अवसरमा मुख्यमन्त्री पौडेलले मदन भण्डारी मार्गमा निर्माण गरिने सुरुङमार्गलाई समयमै सम्पन्न गर्ने तथा राष्ट्रिय अर्थतन्त्रमा प्रत्यक्ष प्रभाव पार्ने खालका योजनालाई सङ्घीय सरकारसँगको सहकार्यमा पूरा गर्न चाहेको बताए । 

उपाध्यक्ष डा. कँडेलले योजना सम्पन्न गर्न तीनै तहका सरकारको इच्छाशक्ति र लगन आवश्यकपर्ने बताए । –रासस

50% LikesVS
50% Dislikes
Spread the love !
  •  
  •  
  •  
  •  
  •  
  •  
  •  
  •  
  •  
  •  
  •