द्वितीय विश्वयुद्ध: जासुस राजकुमारी, घातक महिला र अन्य छ नायिकाको वीरताको कथा

न्यान्सी वेकको छवि घातक लडाकुको थियो। नाजीहरूको कठोर दुश्मन पनि। न्यूजील्यान्डमा उनको जन्म भयो, अस्ट्रेलियामा हुर्किइन्। १६ वर्षको उमेरमा विद्यालय छाडेर उनले फ्रान्समा पत्रकारको काम थालिन्।

जागिर पाउन उनले इजिप्टको पुरातात्त्विक महत्त्वबारे लेख्न सक्ने क्षमता भएको भनेर उनले झुटो बोलेको बताइन्छ। त्यहाँ उनको फ्रेन्च उद्यमी हेनरी फिओका सँग भेट भयो र बिहे गरिन्।

सन् १९३९ मा जर्मनीले आक्रमण गर्‍यो। फ्रान्सेली प्रतिरोधमा उनी जोडिइन्। सहयोगी वायुसैनिकहरूलाई स्पेन पुर्‍याउन उनले सघाइन्। सन् १९४२ मा उनको संयन्त्रमा घात भएर जर्मनीलाई जानकारी पुगेपछि स्पेन हुँदै उनी ब्रिटेन भागिन्।

श्रीमान् फिओका भने नाजीद्वारा कब्जामा परे, उनलाई यातना दिइयो र मारियो। ब्रिटिश स्पेशल अपरेसन्स् इक्जिक्युटिभ (एसओइ) को निम्ति काम सुरु गर्न वेक फ्रान्स पुगिन्।

विभिन्न खतरनाक अभियानमा उनी सहभागी भइन्। रित्तो हातले एकजना जर्मन पहरेदारलाई मारिदिएको उनले सन् १९९० मा दिएको टेलिभिजन अन्तर्वार्तामा दाबी गरेकी छन्।

युद्धमा मूल्यवान रेडियो कोड हराएपछि त्यसको प्रतिस्थापनको निम्ति उनले स्वेच्छिक रूपमा दुश्मनको इलाकाभरी पाँचसय किलोमिटर यात्रा साइकलबाट पूरा गरेकी थिइन्। उनका अनुसार तीन दिनमा त्यो काम सम्पन्न गरेकी हुन्।

सूचना फुत्काउन उनले शृङ्गार गरेर जर्मनहरूसँग ‘डेटिङ’मा जान्थिन्। उनको जीवनी लेखेका पीटर फिज्सिमोन्सले बताए अनुसार युद्धका क्रममा उनी कैयौँ पटक जर्मन पक्राउ पर्ने अवस्थाबाट चलाखीपूर्वक फुत्किन सफल भएकी थिइन्।

उनको कुटिल क्षमतका कारण जर्मनहरूले उनलाई ह्वाइट माउसको नाम दिएका थिए। उनको आत्मकथाको नाम पनि त्यही हो। युद्धपछि उनले थुप्रै सम्मान पाइन्।

उनको निधन सन् २०११ को अगस्टमा ९८ वर्षको उमेरमा लण्डनमा भएको हो। उनले आफ्नो अस्तु फ्रान्समा सेलाउन भनेकी थिइन्।

जेन विल्ले: संवाददाता, जासुस, राजनीतिकर्मी:

जेन विल्लेको जन्म कङ्गोमा भएको हो। सानैमा प्यारिस गएकी उनी दोस्रो विश्वयुद्ध हुँदा पत्रकारको रूपमा काम गर्थिन्।

उनले प्यारिस छाडेर देशको दक्षिणी फ्रान्सेली प्रतिरोध आन्दोलनको निम्ति गुप्त प्रतिनिधि बन्न पुगिन्।

जर्मनीद्वारा औपचारिक रूपमा उपनिवेश नबने पनि त्यहाँ कठपुतली शासन थियो। उनले नाजी सैनिकको गतिविधिको सूचना सङ्कलन गरेर सहयोगी देशलाई पठाउँथिन्।

सन् १९४३ को ज्यानुअरीमा दुश्मनले उनलाई पक्राउ गरे र देशद्रोहको अभियोग लगाइयो।

तर डेटा यसरी सुरक्षित रूपमा लुकाएकी थिइन् कि उनको गोपनीयता अधिकारीहरूलाई थाहा भएन। उनलाई मार्सेयस्थित महिला कारागारमा पुर्‍याइयो।

तर उनी भागिन् वा रिहा गरियो त्यसैले युद्धपछि पनि उनी बाँच्न सफल भइन्।

सन् १९४७ मा उनी फ्रान्सको सिनेटमा निर्वाचित भइन्।

हेडी लमार: हलिवूडकी ज्वाजल्यमान सुन्दरी: