डोटी बस दुर्घटनाः मृतक तीनै जनाको सनाखत, १२ जना गम्भीर

---

धनगढीः डोटीमा भएको बस दुर्घटनामा परी ज्यान गुमाएका तीन जनाको सनाखत भएको छ भने दुर्घटनामा परी घाईते भएका २९ जना मध्ये १२ जनाको अवस्था गम्भीर रहेको छ भने चालक पनि सामान्य घाईते भएको प्रहरीले जनाएको छ।

दुर्घटनामा अछामको बान्नीगढी जयगढ गाउँपालिका ३ का ५९ वर्षीय पदम साउँद, चौरपाटी गाउँपालिका ७ का ३१ वर्षीय टीकारा विक र साफेबगर नगरपालिका २ का ५५ वर्षीय लक्ष्मीदेवी विकको मृत्यु भएको प्रहरी नायब उपरिक्षक मल्लले जानकारी दिए ।

मृतकहरूकाे शव परीक्षणका लागि जिल्ला अस्पताल डोटीमा राखिएको छ। 

घाईतेहरुको जिल्ला अस्पताल डोटीमा उपचार भईरहेको छ । कैलालीको त्रिनगर नाका हुँदै भारतबाट फर्किएका ३२ जना यात्रु सवार ना ६ ख २५२९ नम्बरको बस आज बिहान डोटीको पूर्वीचौकी गाउँपालिका १ फुलौटमा दुर्घटनामा परेको थियो। बस सडकबाट झण्डै ५० मिटर तल खसेको छ। दुर्घटनाको कारण खुलेको छैन्।

साभारः दिनेश खबर