युट्युब ट्रेन्डिङको नम्बर एकमा प्रकाश सपुतको नयाँ गीत बदला बरीलै


लेखक : लेखापढी      २० श्रावण २०७७, मंगलवार २२:४० मा प्रकाशित     
युट्युब ट्रेन्डिङको नम्बर एकमा प्रकाश सपुतको नयाँ गीत बदला बरीलै

बलात्कृत चेलीको बेदना र विद्रोह झल्काउने तीज गीत ‘बदला बरीलै’ युट्युब ट्रेन्डिङको शीर्ष स्थानमा उक्लेको छ।

देवी घर्तीको आवाजमा समावेश यो गीतमा प्रकाशको शब्द तथा संगीत छ । यो गीतले विशेषगरि, समाजमा बढ्दो बलात्कारको घटनाविरुद्ध आवाज बोलेको छ । तर, गीतका शब्द, देवीको स्वर र यसको संगीत निकै नै मर्मस्पर्शी छ । यसले, प्रकाश सपुतलाई नेपाली सांगीतिक क्षेत्रमा नयाँ उचाई प्रदान गर्ने निश्चित छ ।

भिडियो निर्देशन पनि सपुतले गरेका हुन्। भिडियोमा नायिका केकी अधिकारी र धु्रव कोइरालाको मुख्य अभिनय छ।

“बदला बरिलै” महिलाको आवाजको रुपमा प्रस्तुत गरिएको छ जसमा समाजमा भएको छोरा छोरी बीचको भेदभाव, ठुला राजनीतिक पहुँच भएका सत्तामा रहेका पात्र तथा त्यसैको घमण्डमा गरिने बलात्कार जस्तो अपराधको विषयमा गीतको म्युजिक भिडियो केन्द्रित रहेको छ।

Prakash Saput new song Badala Barilai बदला बरिलै | Devi Gharti | Keki Adhikari | New Lok Song 2077