काेराेना भाइरस नेपालः थप ४२५ जनामा संक्रमण पुष्टि, निको हुनेको संख्या ९७४ पुग्यो

काठमाडौँ — नेपालमा कोरोना संक्रमितको संख्या ५ हजार ७ सय ६० पुगेको छ । पछिल्लो २४ घण्टामा आइतबार थप ४२५ जनामा कोरोना संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ । संक्रमितमा ३७५ पुरुष र ५० जना महिला रहेका छन् ।

आइतवार नै गुल्मीमा एक पुरुषको आइसोलेशनस्थलमा उपचारका क्रममा मृत्यु मन्त्रालयले पुष्टि गरेको छ।

उनी क्यान्सर पीडित रहेको मन्त्रालयका प्रवक्ता डा. जागेश्वर गौतमले नियमित पत्रकार सम्मेलनमा बताए।

“धूर्कोट गाउँपालिका वडा नम्बर ४ जैशीथोकका ३६ वर्षका पुरुषको मृत्यु भएको छ। उहाँको जेठ १२ गते प्रदेश प्रयोगशाला रूपन्देहीमा कोरोनाभाइरस सङ्क्रमण पुष्टि भएको थियो।”

उनी भारतबाट नेपाल आएका थिए।